[UGFR與財報對話] 你以為得印銀紙傷害緊財富？印股票都會

SPG巴打又有好野益我，叫我睇下OHI（Omega Healthcare Investors, Inc.），話佢唔知點解都幾好息我應該有興趣。唔睇尤自可，一睇就見到啲成日會有而且好噁心嘅財技，等我帶大家睇下呢個反面教材啦。

先睇下佢嘅分派個Trend啦：

係咪好靚仔？佢係每個quarter加你0.01咁一路到今日每季0.67，照計呢啲穏定增加派息嘅股都會貴啲，但OHI竟然到今日呢個recover左唔少嘅巿場都仲有7%Yield。

即刻檢查下咁靚仔嘅派息是咪夾硬尼啦。Levered 同 Unlevered Free Cashflow 都幾穏陣，Cover到派息之餘仲有啲增長，CAGR分別有2.1%同6.9%

（Levered FCF係減左屬於債權人嘅CF後嘅CF，先理解成CFO減走利息之後再扣埋Capex，可以唔影響發展下自由支配嘅嘅CF啦）

咁噁心嘅位係邊呢？大家望下佢個Cash from Financing activities：

佢係年年都大量發行股份，籌得資金年年都有派息股息嘅接近一半，姐係供股又派番比你咁onon99，不如派少啲算啦。

供股最直接效果就係稀釋左股東權益，五年股數CAGR約3.84%，姐係每年同你打個96折，收7%息但又溝番走你4%價值，你睇BV/Share下行得幾快就知道有幾噁心（左邊係最新）。

咁大家可能會話佢集資有投資架嘛，可能賺多左錢呢？你睇下呢個福建笑話：

咁五年尼講Revenue CAGR都有4.4%嘅，真係跳左成200M Revenue添，但果舊錢係咪真係用得好呢？留意番上面計過levered FCF嘅CAGR，細過股數嘅CAGR，姐係每股FCF係少左的，揸佢五年個內在價值反而因為稀䆁而少左。

間野做咩就唔詳細深究住，呢個短篇主要係想帶出增發（姐係供股）所帶來嘅稀釋效應，提下大家睇股果陣一定要留意啫，如果唔係比人偷走左你嘅價值都唔知咩事！大家不妨留意下自己手頭上嘅公司有無呢個問題，計計FCF增加嘅速度稀釋！